1.再見
【野蠻奶奶大戰戈師奶】電視劇主題曲
主唱：農夫．汪明荃
作詞：農夫
作曲：周永恆
咁多年嚟 都對住你
你喺度我又勞氣 唔喺度我又想起你
想起 屋企靜靜地
我又靜靜雞想同你鬥氣
農：如果有日返到屋企你唔喺度 (如果有日返到屋企你唔見咗)
我坐喺度 開大套Hi Fi都無人投訴 (用幾耐廁所都無人哦我)
話我嘈 無人同我嘈 (我嘅生活鍾意點過就點過)
耳根清靜到想做乜都可以照做 (唔使睇你面色 我就係我)
但係補身嘅湯我自己又唔識煲 (但係每晚我加班遲返)
夜晚趕proposal就咁訓咗係度 (無人幫我留餸留飯)
無人為我鋪好個床鋪 (以前嫌你麻煩 嫌你野蠻)
聽朝早無咗你把聲又醒唔到 (但係無咗你喺我身邊 生活好多困難)
汪：過去每一天 就在你身邊
望住對方千遍百遍也總會厭
太多感覺會變 朝早晚見
等到你 走到遠方說句再見
才漸漸 又想起昨天
留心點 這關心最暖
無端端 又想講句你知每天 我都會想再見
有無緣 同你會變仇人
有無緣 同你變最相襯
某個時辰 同你有緣
我至會發覺你嘅出現
實在佈滿我生命入面 我發覺我兩個嘅相遇 實在要我去感謝命運
事實每一天 就在你身邊
就是隔了一吋半吋也不看見
也許感覺會變 相處兩遍
也發覺 跟你每天也要再見
2.舉高隻手
作詞：農夫
作曲：DJ Tommy
編曲：DJ Tommy．咖啡因公園
監製：DJ Tommy
我 我要 我要你
我 我要 我要你
舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜
細細個有人教你有個美德 無論你有幾得 千祈咪講出嚟
最緊要謙卑 隻手咪舉起
所以你碰到愛嘅人 你冇問 你冇試下伸隻手去拖下佢
你細個發嘅夢 當發夢 你冇膽豁出去捉緊佢
晚晚話鬱鬱不得志 睇死自己乜都失意
條路斜條路窄能走過只有Kenny B
所以你翻緊嗰份工唔係你嘅興趣
身邊嗰個人唔係你最愛嘅伴侶
生到成竇仔女 先至識得後悔 午夜望回流下兩滴淚水
點解唔伸出去 我辦不到
點解唔舉高佢 從今以後挺起心口抬起頭仲有
舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜
你咪再顧慮咁多 邊位睇小過我
隻手舉高過 駛乜驚舉錯
有冇諗過白日夢都可以成真
有冇諗過鍾意嘅人等緊你成親
有冇諗過呢世係你最開心嘅人生
睇你敢唔敢 舉高隻手唔好再等
用呢隻手拎住結婚戒指 問你鍾意嘅女士 佢願唔願意
用呢隻手其中一隻手指 對住你嘅波士 叫佢咪咁多事
用呢隻手改變世界歷史 有人話你無知 起碼你肯嘗試
我要用呢隻手寫出我嘅歌詞 無論你鍾唔鍾意
一齊嚟伸出去 讓他知道
一齊嚟舉高佢 從今以後舉高隻手你哋唔駛怕醜
舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜
我兩個 繼續唱歌
邊位醜得過我
隻手舉高過 駛乜驚舉錯
全人類舉高手好嗎
全人類舉高手好嗎
全人類舉高手好嗎 (舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜)
全人類舉高手好嗎 (舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜)
全人類舉高手好嗎 (舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜)
全人類舉高手好嗎 (舉高隻手 駛乜怕醜 舉高隻手 駛乜怕醜
舉高隻手 駛乜怕醜 舉高隻手 駛乜怕醜)
3.掂訊誇啦啦
香港誇啦啦 活動
作詞：農夫
作曲：農夫
編曲：Randy Chow．Mica @ novasonic
監製：Edward Chan
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
一路押韻 一講電訊就過癮
唔多過問 呢個行業淨係幫人
打打氣 全世界普世歡騰
我有寬頻 就唔需要周圍騰
好彩 多得你 睇到實
登出 登入 上網便利 舖天蓋地
修理Lag機 全賴有你
人人人人無啦啦電話響總要聽
聽真D Sales把聲好鬼正
俾個冧把你 你打唔停
今個月又有錢淨
阿伯 BB 開始 留意
電話響梗要聽真D
等你Sell D好嘢話我知
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
0機價 又上台
送禮物 落我袋
想轉台 咁好彩
你仲同我講唔該
人人人人無啦啦電話響總要聽
聽真D Sales把聲好鬼正
同你傾一傾 你就講唔停
天黑講到黎明
醫生 護士 學生 教師
多謝電訊業同事
令我生活更寫意
由早到晚 嚟多個round
連通宵都會返 我愛你ichiban
由早到晚 嚟多個round
連通宵都會返 我愛你ichiban
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
啦啦誇啦啦 啦啦誇啦啦
老友記冇有怕 你有班friend一ja
個個 又猛話 要幫幫你打氣
講兩句話
嘩 掂呀
4.不不不
作詞：C君．6 Wing
作曲：DJ Tommy
編曲：DJ Tommy
監製：DJ Tommy
＊(不不不) 老友 係咪唔理好醜都可以擺得入口
(不不不) 老豆 take咗兩take之後俾唔俾我入門口
(不不不) 唔係乜都得 學吓say no 得唔得
(不不不) 唔係齋噏 say no to drugs
喂 我好迷 你到底俾我食咗乜鬼
手腳唔受控制 擰頭擰髻
仲有D反胃 好想坐低瞓低
快D放低呢個唔係我嘅身體
無端端大笑大叫又扮狗吠
我到底 做緊乜鬼
Take一嘢 你問我係咪friend先
Take多嘢 我唔知自己喺邊
Take咗嘢 我發覺自己首先
見到好多神仙再見到牛頭馬面
係咪痴咗線 定係take得太多
冇斑馬線 馬路都亂過
聽朝又有車禍 到底有冇睇錯
點解主角會係我
REPEAT＊
諗起 第一次見到你真係又驚又喜
你美麗又神秘 朋友介紹你嚟我屋企
佢話只要識到你 幾平凡都變神奇
Wait 我驚我養你唔起
Hey 我介紹得俾你錢又駛乜你俾
我我我我冇乜心理準備
Hey 駛乜準備 慢慢嚟
同你一齊直頭可以減肥
唔開心嘅嘢可以忘記
所以我好快就鍾意咗你
好怪 D人話你好壞我都唔可以冇咗你
為咗見你月頭變咗糧尾
望住自己 得浸皮 一陣味
我得到你 但我失去咗自己
同毒品戀愛原來係咁可悲
REPEAT＊
5.龍兄虎弟
【一個兄弟情的故事】安信兄弟廣告主題曲
作詞：農夫
作曲：DJ Tommy
編曲：DJ Tommy
監製：DJ Tommy
我一句到尾我都撐都撐你
＊今生到今世 都撐你到底
同你潛入火海返上嚟
講乜嘢身世 谷底我墊底
同你無懼子彈飛過嚟
你有冇試過畀女友咁樣問你
呢一世仔 佢係咪你最重要嗰位
呢個問題 根本佢就想你答係
但係喺你心底 一直認為最重要嘅都係兄弟
兄弟大過一切 一齊一嚟就係一世
同年同月同一Day 兩協插刀 刀鋸大髀
佢哋覺得兒嬉 我哋話係義氣
其實就好似你 見到靚仔你會嘩心跳
見到兄弟我哋會話心照
發生乜嘢事都唔太緊要
冇咗來世我哋仲有今朝
一齊握過手嗒過酒搭一搭膊頭
幫過手加過油莫須問理由
REPEAT＊
一世得一位嗰啲叫兄弟
跌到落谷底或者係矜貴
有今生冇來世 我甘心冇問題
冇所謂 係咪同一個肚度出世
出得嚟閒談 我預咗你煩
你要去無間 我預早去撐
遇到你 唔算係乜嘢傳奇
最奇係一講起兄弟我淨係諗到你
全世界話你點 話你黑面
我覺得佢哋淨係睇到你嘅表面
冇人有資格可以品評你
只有我哋兄弟可以品評自己
全世界要借錢 一毫幾仙
都要問長問短 難過登天
但係你開到口我一定義不容辭
只有我哋兄弟可以無分彼此
我撐撐撐撐 我撐你
我一句到尾我都撐都撐你
我撐撐撐撐 我撐你
我一句到尾我都都都撐你
今生到今世 都撐你到底
同你潛入火海返上嚟
講乜嘢身世 谷底我墊底
同你無懼子彈飛過嚟
今生到今世 都撐你到底
同你遊盪刀山解過圍
講乜嘢身世 谷底我墊底
同你同做一生兄與弟
6.娛樂圈殺人事件
作詞：6 Wing．C Kwan
作曲：Jack Splash
編曲：Jack Splash
監製：6 Wing．C Kwan
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
以前邊有人識得農夫係乜
但係有人識噏 農夫係得
今日我賣得 你又話我變質
我唔講得太露骨 我怕從此絕筆
得得得 駛乜咁多原則 最緊要咪亂噏
叫我做乜就做乜 直到導演嗌cut
做小丑又得 唔怕一萬唔怕萬一
話我肉酸 又話我核突
但係呢個係事實 我高過你 我人工高過你
我去拍戲等十幾粒鐘等到懵 拍十幾分鐘
最後成條片都冇用 輕輕鬆鬆收工
你點會輕輕鬆鬆得過我 我寫過好多廣告歌
順順利利起貨 又話寫得唔錯
仲可以plug埋plug埋當一首新歌
你寫廣告歌你不如拍廣告 啲廣告商爽到冇乜嘢畀我做
冇排過舞 又話我跳到 只需要笑到好似燒壞腦
到你發現其實你慣晒 入娛樂界當你貨物賣
你積埋積埋覺得冇古怪 即時certify
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
繼續繼續 最好做音樂節目
唱半首歌係直播 唔駛再錄
冇錯 唱錯歌詞都唔駛NG 走音又冇人知
點解呀 我啲歌都無key
做商場show咪仲好 嗰度鬼殺咁嘈
有時我一句都冇唱到 佢哋都完全聽唔到
做大學show咪仲過癮 一出場佢哋就興奮
有時我諗大學生可能從來無見過人
哇 咁你要返上去行吓
吓 我都唔識唱普通話
唔駛架 只要你郁一郁咋
佢哋就「嘩」 直頭變咗劉華
係 如果要計出埠做嘢最盞鬼
出出入入都係頭等機位
咁又係 間酒店房裝得落我間屋咁滯
我諗過住足一世 以後都唔返嚟
到你發現其實你慣晒 入娛樂界當你貨物賣
你積埋積埋覺得冇古怪 即時certify
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
7.I believe U can fly
作詞：農夫
作曲：Dr Luke
監製：Edison Chen
呢個世界有好多妖魔鬼怪
得閒你出街 一眼睇晒
見高就拜 見低就踩
見你跌低喺街佢就咁就行過
話知你幾難過 淨係想你盡快bye bye
分黨分派
對住你扮晒同你一見如故
背住你攻撃到你體無完膚
鬧到你喊啲說話難聽都聽慣
一個禮拜七晚 你都有阿媽生
點解要照舊匿喺個死局
點解要接受呢一種屈辱
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
成和敗 努力嘗試 成王敗寇係常事
上次係上次 不外如是
有失意 有得意 要捉緊每一次機會
就算比人哋 辛苦多幾倍
我甘心 我身心 有幾攰
書可以死背 生命有幾回 輸咗咪咁灰
十年人事幾翻身 突然跌親咪起返身
實現 不可能從來無擔心
仲有幾多艱辛 要我去攀登
個個即管笑我 我睇到你睇小我
你話錯嘅夢想 係我嘅功課
越係傻 至值得我去衝破
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
嘗試過失敗 I believe I can fly
我試過失敗 I believe I can fly
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
8.Dream Girl
feat 陳冠希
作詞：農夫
作曲：農夫
監製：陳冠希
C：從未觸摸得到你 疑幻空間中嬉戲
從未見過你 就更加新奇 是我幻想得最完美
小姐我一世都有太多講究 點知我一見到你世間罕有
冇拖手 冇見面 冇開始過只能夠幻想戀中得救
you're my dream girl~dream girl
(you're my dream girl , baby girl)
you're my dream girl~dream girl
(you're my dream , you're my girl , you're my world)
6：完美嘅女人 有乜嘢完美
我問 過 好多男人點諗
有人想搵個女神冇缺陷 有人想搵個第朝起身冇責任
有人玩足一生最後感觸一生 皆因佢嘅枕邊人慢慢變咗佢娘親
我嘅女人唔使聽曬我話 'OK , OK'
要有品 唔一定要留係屋企捉棋
得閑煮翻幾味 就算有怪味
只要食唔死我都唔會怪你
你唔使身材苗條到似瑤瑤
我只係需要攬住你條腰
我講笑你識笑 我rap你聽
唔識跳唔緊要 只要你跟住搖
唔會介意你有時好似仔
因為我只係想你哭而淒美
C： 從未觸摸得到你 疑幻空間中嬉戲
從未見過你 就更加新奇 是我幻想得最完美
小姐我一世都有太多講究 點知我一見到你世間罕有
冇拖手 冇見面 冇開始過只能夠幻想戀中得救
you're my dream girl~dream girl
(you're my dream girl , baby girl)
you're my dream girl~dream girl
(you're my dream , you're my girl , you're my world)
6：有人話女人係累人 我話女人呢類人
係男人必須搵嘅必需品
上Facebook look一look
篤一篤 送你鮮花一束
到而家都無回覆 ah~
想要深層嘅對話 上MSN
想要真人嘅說話 你驚一驚
搵個pen friend寫信談情已經唔興
搵個夢中情人傾叫我打#9830
哩個o靚妹撻Q 仲有冇介紹
哩個嬸嬸又太潮 你比我諗諗
嗱 哩個知音我怕佢太黐身
又搵過醫生幾斯文 睇真似C君
哩位老師係好人 細心放心 但同佢講親我都放蚊
模特兒好得意 我怕佢厚粉呢位女士好失儀 我怕佢猴擒
你問點解佢哋同完美有距離
咁你問問自己係米正到暈嘅gentlemen
女人見到我哋米一樣驚到暈
唔嫌棄我哋已經係完美嘅女人
C： 從未觸摸得到你 疑幻空間中嬉戲
從未見過你 就更加新奇 是我幻想得最完美
小姐我一世都有太多講究 點知我一見到你世間罕有
冇拖手 冇見面 冇開始過只能夠幻想戀中得救
you're my dream girl~dream girl
you're my dream girl~dream girl
9.奇蹟
主唱：農夫 feat. 黃秋生
作詞：6 Wing．C Kwan
作曲：C-Infamous
編曲：C-Infamous
監製：C Kwan
幾多幾多年 通街通街奔波 我屋企都無返過
無好好地坐一坐 個看更睇一睇我 你到底邊個
係我猛禁錯 猛禁錯個密碼鎖
媽子好似老咗 面都凹咗 好似瘦咗
我無認真去 好好睇真佢
平時返親去屋企 每次都好醉
呢幾年無論喺出面撈到幾掂
供樓同煤氣水電陷辦爛都係你俾錢
但係屋企人好耐都無見過幾面
呢度係一個私人廁所一間時鐘酒店
返嚟就瞓 瞓醒就走 拍拍籮柚 有時間抖抖
淨係識約朋友飲酒 飲完就抆 抆咗就嘔
擰轉頭有碗湯擺喺檯 擺到凍晒
擺天光擺到六合彩都中埋
依然未飲過一啖 幾時先搵返一晚
一家人食返一餐 安樂茶飯
Isn't it a miracle？ It's another miracle
Isn't it a miracle？ It's another miracle
Now I believe , I believe
Miracles can be. Now I believe , I believe
Miracles can be. Now I believe
喂俾我 喂俾我講句真係多謝
喺呢度你俾我搵到最好嘅嘢
我要謝謝家姐 細個覺得你煩
出嚟做嘢 先知妳煩唔過啲老闆
多謝哥哥 成日同我爭
爭嘢玩 爭到爛 我奸到爭住喊
但係出面嘅難關 幾難同人爭
就算幾想喊 都要笑得好燦爛
我老豆從來唔開口 細個嘅時候 我以為佢係啞架
可怕 都唔及而家大家講親係廢話 話講真係假架
媽媽 細個妳拖我手 大個我拖女朋友咁多個年頭
多謝你承受咁多句街頭無厘頭嘅問候
啲人無品會問我係貴親 屋企人唔駛問永遠當我係貴賓
咁大個人淨係諗緊點樣搵銀
不如等陣搵搵永遠等緊你嘅屋企人
Isn't it a miracle？ It's another miracle
Isn't it a miracle？ It's another miracle
Now I believe , I believe
Miracles can be. Now I believe , I believe
Miracles can be. Now I believe
10.粒粒皆辛苦
再兜個圈 再轉個彎 天天有難度
再經過起跌高到低 先知粒粒 亦都
再兜個圈 再轉個彎 幾千里長路
結婚戒指 變出世紙 先知粒粒 亦辛苦
第一次 mak大眼 睇到世界嗰時
爹哋 媽咪 話做人唔容易
第一次 學行 跌咗唔止一次
學一二三去到學ABC
啲考試每次都臨急至溫書
啲同學 每個都曾經暗戀miss
嗰時仲未知 粒粒皆辛苦係一回乜嘢事
再兜個圈 再轉個彎 天天有難度
結婚戒指變出世紙 先知粒粒 亦辛苦
嗰晚 放榜前一晚 三點三十分都未瞓
聽日有三分定係有十分
淨係知道有不同嘅學歷有不同嘅人生
諗 攬住個枕頭諗 摣住哩個分數
點樣面對老豆 即刻捐入被竇
kum 大被kum過頭 原來諗得多過頭
十九轉眼變咗廿九 髮線開始向後 準備三十出頭
浮浮沉沉九年嚟冇份工做得長久
尋尋覓覓九年嘅女朋友終於分手
好多新朋友 喺街頭 重遇舊朋友 唔知點樣問候
收到新朋友嘅喜訊 轉個頭 收到舊朋友嘅死訊
人生無常從來唔係幾信 一啖一啖酒灌落心頭
聽朝又八點九 一步一步走嘅一個一個年頭
為咗走去盡頭 一粒一粒都係辛苦嘅嗰日終於接受
再兜個圈 再轉個彎 天天有難度
再經過起跌高到低 先知粒粒 亦都
再兜個圈 再轉個彎 幾千里長路
結婚戒指 變出世紙 先知粒粒 亦辛苦
過咗兩年突然結咗婚 朋友問做乜咁笨要做老襯
可能只係想揾個人 一世一齊瞓
又或者係為咗賺筆人情去旅行
老婆話要盡責任 要秘密造人
好想問自己一問 俾唔俾BB出生
做咗幾十年人 好似苦多過甘
又要揾銀又要掹憎又冇幾多嘢值得開心
轉頭父母過身 朋友移民 以前落酒吧一班人
今日啲啤酒自己飲 飲到醉醺醺 涼風陣陣
幾辛苦都行咗大半個人生
終於 知道 粒粒皆辛苦 終於 知道 粒粒 皆辛苦
再兜個圈 再轉個彎 天天有難度
再經過起跌高到低 先知粒粒 亦都
再兜個圈 再轉個彎 幾千里長路
結婚戒指 變出世紙 先知粒粒 亦辛苦
11.撳錢
Now 寬頻互動問答遊戲節目【撳錢】主題曲
作詞：C君@農夫．陸永@農夫
作曲：DJ Tommy．C君@農夫
編曲：DJ Tommy
監製：DJ Tommy
我要每晚就快瞓嗰陣 有錢俾我去撳
撳嚟撳去始終面嗰浸 存款海底咁深
我要買嘢就當派錢咁 當散紙送贈
用嚟用去始終面嗰浸
連咁諗一諗都覺得即刻好興奮
日又捱 夜又捱 點解要發達就好似有排
我發夢 啲欠債 有日唔見晒
櫃員機 變態 日日有錢派
日頭 約特首 去我屋企 打 Golf
未嘆夠去日本食個晏晝先梳乎
屋企天花 要高到放到煙花
冇講大話 我間屋大過你棟大廈
想嫁俾我姐姐仔 多過全港嘅車位
臨老先嚟揸架林保堅尼至浮誇
去晨運 飲早茶 保鏢多到塞滿晒酒家
我要每晚就快瞓嗰陣 有錢俾我去撳
撳嚟撳去始終面嗰浸 存款海底咁深
我要買嘢就當派錢咁 當散紙送贈
用嚟用去始終面嗰浸
連咁諗一諗都覺得即刻好興奮
日又派 夜又派 錢太多派極都派唔晒
買到嘅嘢 我都買晒嚟賣
買埋個世界先至痛快
第一件事要做善事
好 sincere 咁送張支票上電視
講多無謂 講乜嘢仁義
反正咁多奴隸 幫我印銀紙
我控制經濟 要佢升 要佢停低
打工仔 係我 扯線公仔 供一世
玩埋政治 有錢最正義
將呢個城市配上我姓氏
我要每晚就快瞓嗰陣有錢俾我去撳
撳嚟撳去始終面嗰浸 存款海底咁深
我要買嘢就當派錢咁 當散紙送贈
用嚟用去始終面嗰浸
連咁諗一諗都覺得即刻好興奮
Oh yeah yeah yeah Oh yeah yeah yeah yeah
諗起都好興奮
Oh yeah yeah yeah Oh yeah yeah yeah yeah
諗起都想講 日做夜做天黑朝早點樣 say no
終於做到老 做到死 仲要儲過筆首期
日望夜日聽朝一早終於休息
點知仲要俾 仲要俾 仲要有賬單寄嚟
逼到你 就斷氣 想勸你放棄咪再玩啲咁嘅遊戲
點知你 everybody says
| 
-暫存.jpg)